Sólrún Lilja

Shocking news!!!!!
Maður getur þyngst um 4 kíló á einni helgi!!!! Ég komst að því í morgun, mér til mikillar skelfingar....
þess ber að geta að samkvæmt upplýsingum frá góðvinkonu minni henni Helgu Þóru þá eru 10.000 kalóríur í einu kílói, takk fyrir!!!
Samkvæmt mínum útreikningum ætti ég þá að hafa innbyrt 40.000 kalóríur á þremur dögum.
En ég spyr: ER ÞAÐ LÍFFRÆÐILEGA MÖGULEGT?!?!?!

Ég á kjól sem ég þarf að komast í eftir þrjár vikur!!!
Svo ég er farin í ræktina, alltílagi bleeeesss.....

Traustur vinur getur gert kraftaverk!!!
Jæja nú hef ég lagt veiðarfærin á hilluna og togarinn verður í slipp í einhvern tíma.... Gamlir vindlareykjandi kallar og gaurar sem ég var skotin í þegar ég var í FB eru ekki afli sem ég sætti mig við og þessvegna stundaði ég aðallega brottkast þessa helgina....

Á fimmtudagskvöldið reyndum við Eva María að smala Röskvuliðinu á Miðbar. Við lofuðum nebbla eigandanum að detta í það hjá honum fyrir allar klósettferðirnar í kosningabaráttunni.

Við smalarnir og Pétur vorum í góðu grúvi á Miðbarnum fram eftir nóttu ásamt píanistanum, gítarleikaranum og bongótrommuleikarnum sem var nota bene eldri kona sem faðmaði mig þegar leiðir skildu... veit ekki alveg hvers vegna.... Tríóið spilaði fyrir okkur óskalög og við sungum hástöfum með; "traustur vinur getur gert kraftaverk".......... og fleiri góð lög.
Við vorum rétt að komast í gírinn þegar staðnum var lokað og því héldum við heim til mín í "partý" þar sem við hlustuðum á tónlist frá 9. áratugnum og deildum okkar dýpstu leyndarmálum hvert með öðru..... Ansi hressandi kveld!!! Ég var reyndar ekki jafn hress í vinnunni daginn eftir en valhoppaði þó heim eftir 9 tíma vinnudag með 3 bjóra í poka og skellti mér á pöbbarölt með Atla.
Það var stuð, Atli er hress sem fress. Við hittum Ásgeirinn og Maggann í UJ partýi á Hallveigarstíg og þeir voru úberhressir að vanda, þræddum svo bari borgarinnar og enduðum á Hressó þar sem Eva María var í góðu geimi, ég var reyndar ekki sátt við vin minn Austmanninn þetta kvöldið, hann spilaði nebbla ekki fyrir mig Traustan vin þrátt fyrir ítrekaðar beiðnir.

Laugardagurinn fór í leti og útskriftarveislur og svo kíkti ég út á lífið með Hrund og Emil. Heitasti staðurinn það kvöldið var fyrir utan Vegamót, þar stóðum við í svona klukkutíma og hittum ansi marga. Ég tek það fram að við stóðum ekki í röðinni.... enda myndi ég ALDREI standa í röð fyrir utan Vegamót. Við stóðum bara á miðri götunni og þar var rífandi stemmning!!! Gerði sem betur fer enga fjandans vitleysu það kvöldið, fyrir utan einhverjar léttar sms-sendingar út um hvippinn og hvappinn.... ekkert alvarlegt þó....... Fór bara snemma heim með Nonna félaga mínum (skinka án papriku) úr Hafnarstrætinu og las fréttirnar, sem hin áðurnefna Hrund skrifaði í Fréttablaðið, fyrir svefninn.

Fer svo á Vog á morgun, kemur einhver með???

Misheppnaður miðvikudagur
Gærdagurinn var ekki minn dagur.... Ég byrjaði á því að sofa yfir mig og missti af tímanum sem ég ætlaði svo mikið að mæta í. Svo ætlaði ég formlega að byrja í líkamsræktarátakinu mínu en gleymdi gjafabréfinu heima og nennti ekki að sækja það... Þá missti ég tvisvar af strætó og kom of seint í vinnuna þar sem ég hellti óvart appelsíni yfir eina fína frú, hún hélt reyndar að ég hefði hellt yfir hana vatni svo ég var ekkert að leiðrétta það... hún hefur samt líklega áttað sig á því síðar... Anyways!!!!
Á leiðinni heim úr vinnuni kom ég við í búð en þegar ég ætlaði að borga þá fann ég ekki kortið mitt og varð að skila vörunum aftur... dauði og djöfull!!! Þegar ég kom heim fann ég svo kortið í vasanum á jakkanum sem ég var í...
Það sem bjargaði deginum var Judging Amy ahhh.... David McLaren tilkynnti Amy að hann væri ástfanginn af henni... og hún bráðnaði, þetta var síðasti þátturinn og hann endaði svo vel. Og ég var svo sátt....

Það sótti reyndar á mig kúrþörf þegar ég lagðist upp í rúm en Sólrún hefur ráð undir rifi hverju.... Ég reif plastið utan af námsbókinni Terrorism in the 21. century og viti menn, um leið og ég hóf lesturinn fjaraði kúrþörfin út. Að lesa um hryðjuverkasamtök vekur ekki hjá manni krúttlegar kenndir svo þarna er ég aldeilis komin í feitt. Næstu vikuna mun ég sofna út frá hryðjuverkum en ekki rómantískum stelpumyndum og hana nú!!!

Sjómennskan er ekkert grín!
Eftir að hafa eitt helginni sem frystitogari, hef ég ákveðið að segja skilið við sjómennskuna í bili enda veiddi ég bara eitthvað sem ég hafði ekki veiðiheimild fyrir og það varðar við sektir.
Varð aftur bara lítil saklaus stúlka í gær, sem aldrei hefur migið í saltan sjó... Ahh eða jú reyndar, við nánari athugun þá hefur það líklega gerst einu sinni.... Anywys...
Skellti mér í ísbíltúr með the melógells og við slöfruðum í okkur risastóra þeytinga yfir umræðum um óléttar konur.... don´t know why!!!! Og svo leigðum við okkur tvö eintök af The notebook, sem er líklega ein mesta stelpumynd í heimi, svooooo krúttleg....
Eftir að hafa horft á þessa krúttlegustu mynd síðari tíma þá fylltist ég alveg gífurlegri kúrþörf og var eins andvaka og hægt er og lítil í mér... snökt, snökt.... Og ég á ekki einu sinni bangsa til að kúra með.

Þessvegna held ég að ég neyðist til að sigla úr höfn næstu helgi og reyna að veiða eitthvað sem ég hef heimild fyrir, sem hægt er að nýta í kúr. Ég held að það sé alveg einstaklega nauðsynlegt svo ég haldi geðheilsunni og kúlinu.

Sólrún skipsstjóri

Alltaf lærir maður eitthvað nýtt!!
Sko ég ætlaði að reyna að hætta að blogga bara um djamm og drykkjulæti en það gengur eitthvað erfiðlega, svo virðist sem lítið annað drífi á daga mína....
En þrátt fyrir að þessi helgi væri ekki jafn viðburðarík og síðasta helgi þá var hún ansi viðburðarrík. Ég komst að ýmsu eins og til dæmis að allir karlmenn eru eins, eða flestir, landi í kók er ÓGEÐ!!!, ég get sent Heiðari Austmann hugskeyti og hann hlýðir mér, bjórinn á Nelly´s er ekki ódýr en maður getur fengið hann í plastglas, Ásgeir vinnur á Fridays, þrátt fyrir að hann sé meira svona Bykotýpa og hann getur haldið á fjórum diskum í einu, það fannst okkur Fanneyju kúl, leigubílstjórar geta verið skilningsríkir ef maður á ekki pening, maður getur troðið sér inn á skemmtistaði þótt það sé búið að loka, Food and fun hátíðin var búin kl 4 en ekki 6, lyfjafræðingar geta verið ungir strákar með gel í hárinu og þeir glotta líka, það eru til myndavélar sem eru eins og bjórdósir í laginu og nú á ég eina slíka....
Já þetta er einungis brot af því sem ég uppvötvaði um helgina...

Later félagar...

Þetta er hrikalega löng færsla, en hún er skemmtileg... Lesið!!!
Jæja þá er ein viðburðarríkasta helgi lífs míns að baki. Helgin mín byrjaði með glæstum sigri Röskvu í stúdentaráðskosningunum. Við unnum samt ekki hreinan meirihluta sko en við felldum forystu Vöku, sem er sigur fyrir okkur, sætur sigur og skref í rétta átt fyrir stúdenta alla. Það er ekki til lýsingarorð yfir það sem gerðist á efri hæðinni á Grand rokk um tvöleytið aðfararnótt föstudagsins 11. febrúar, þegar úrslitin voru kunngjörð. Það gjörsamlega trylltist allt, fólk grét, féllst í faðma og öskraði. Ég hef aldrei upplifað aðra eins gleði, þetta er ógleymanleg upplifun.
Ég varð aðeins kennd þetta kvöld, ég var svo drullustressuð og borðaði ekki neitt af dýrindis mexíkóska matnum sem Röskvan snæddi saman fyrr um kvöldið. Þegar ölvun nær ákveðnum hæðum þá fer ég að dúndra ósiðlegum sms-um á saklausa borgara sem eiga sér einskis ills von. Þið kæru félagar sem lendið í mér, ég bið ykkur innilega afsökunar...líka fyrirfram ef slíkt hendir oftar.

Í barnslegu sakleysi mínu ákvað ég að generalprufa árshátíðarkjólinn minn á kosningaRöskvunni, það voru mistök, því í fagnaðarlátunum fékk ég yfir mig tæpan hálfan lítra af bjór. En með minn hrikalega þynnkusjarma og alla sólarsöguna af glæstum sigri Röskvu kvöldið áður tókst mér að fá ungan herramann í fatahreinsuninni Úðafossi til að hreinsa fyrir mig kjólinn seint á föstudaginn og ég var ready í tæka tíð, sæt og fín að vanda...... Og við Fanney skunduðum árshátíð á!!!

Stapi í Reykjanesbæ var staðurinn, með stuttri viðkomu í listasafninu þar sem við sötruðum rautt og hvítt í boði Árna Sig bæjarstjóra sem seinna um kvöldið klæddi stelpur úr brjóstahöldurum. (það var reyndar hluti af leik) Ég eyddi mestum tíma í klósettröðinni á safninu en þar var alveg stemning og stuð og nóg að drykkjarföngum.
Ég hóf borðhald í Stapanum á því að kveikja í matseðlinum og árshátíðardagskránni á mínu borði. Það skrifast algjörlega á klaufaskap og landsþekkta óheppni mína, ég var að kynna mér rétti hlaðborðsins við kertaljós. Næst tók ég upp á því að sturta úr vatnskönnuni á bálið og útgangurinn á borðinu, sem nokkrum mínútum áður hafði verið einstaklega smekklegt, var ekki sérlega aðlaðandi. En hei!!! Það er bara gaman að þessu...

Veislustjórinn, Stefán Hilmarsson gaf mér koss á báðar kinnar í tilefni happdrættisvinningsins míns, sem var dýrindis sængurverasett. Nú get ég loksins boðið fólki upp á almennilega gistingu heima hjá mér. Seinna sama kvöld lenti ég svo í samræðum við eiginkonu hans, um það hvernig væri að eiga poppstjörnu sem eiginmann. Soldið spes... samt ekkert miðað aðrar samræður sem ég átti... Má þá meðal annars nefna hressilegar rökræður við Gunnar Helga og Eirík Bergmann um stúdentapólitík og ég útskýrði fyrir þeim hvernig einstaklingskerfi gæti ekki virkað sem skyldi. Svo fræddi ég Úlfar Hauksson um aðferðarfræðilegan mun á Röskvu og Vöku, að beiðni hans. Þá kynnti ég fyrir honum málefnin og útfærslu á mánaðarlegri útborgun námslána. Ég var ótæmandi viskubrunnur og kom sjálfri mér á óvart með þekkingu minni á þessum efnum.
Svo skipaði ég Þorgeiri Vökuliða að dansa við mig og greyið strákurinn þorði ekki öðru þrátt fyrir að ballið væri búið.
Þess ber að geta að allir þekktir einstaklingar sem nefndir í þessari færslu voru flestir búnir að fá sér í aðra tána þegar samræður áttu sér stað.

Á laugardaginn tók ég smá Kringlurúnt og remdist við að sjá ekkert flott svo ég þyrfti ekki að kaupa neitt fyrir peninga sem ég á ekki. Og um kvöldið var málið djamm..... Ég er farin að hafa töluverðar áhyggjur af lifrinni í mér..... Anyways...
Laugardagskveldið fór í að uppgötva hvað heimurinn er fjandi lítill.... Hann er miklu minni en ykkur grunaði, trust me on this!!!

Röskvan svitnar!
Ég lifi, ég lifi, ég lifi enn!!!
Jæja ég ákvað að blogga sona í tilefni dagsins, bara af því að það er þriðjudagur. það sem er að frétta af mér það að ég er flutt á Laugaveg 66 þar sem kosningamiðstöð Röskvu er til húsa. Þar er ég dag og nótt í góðu geimi að skrifa, hefta, brjóta og fleira. Þar er brjáluð stemning og allt að gerast. Allir að Röskvast!!!!

Svo er svitaball á Grand rokk næstu helgi, svitabönd og sveittir skallar. Gullið tækifæri til að taka fram svitagallann og stíga villtan dans....... Stemmningin í fyrra fellur seint í gleymskunnar dá og eitthvað segir mér að hún verði jafnvel betri í ár......

Later félagar