Sólrún Lilja

Fínn konudagur, ég fékk mat í rúmið, það var mjög notalegt.....

-Hárið á mér er skítugt, það er reykingalykt af því
- Sjónvarpsdagskráin er ömurleg
-Það er sunnudagur
-Á einum sólarhring hefur mér tekist að innbyrða dágóðan skammt af Dominos pizzu, einn Hlölla og Nonna
-Ég hef líklega aldrei verið þyngri
-Ég er búin að borða svo mikið nammi að mér er illt í maganum
-Ég er með ógeðslega mikinn hausverk
-Það eru bjórdósir og hálftóm hvítvínsglös fyrir framan mig, ég finn lyktina af áfenginu
-Ég á ekki kærasta, var meira segja nýlega hafnað!

Þrátt fyrir allt þetta þá líður mér bara ágætlega, ég er sátt við lífið.
Ég finn ekki fyrir biturleika... Alveg stórmerkilegt!

Lífið er yndislegt, það er rétt að byrja hér...

Þessi mynd lýsir klárlega of langri bið.....

Ég fékk engin Valentínusarkort í dag..... Furðulegt!!!

Er eðlilegt að að heyra skólfustunguhljóð úr kirkjugarðinum um ellefuleytið á sunnudagskvöldi???

Ég hef nú sjálf unnið í kirkjugarði og þar tíðkaðist ekki að grafa neitt á kvöldin sko... allra síst á sunnudagskvöldum...

Ég biðst afsökunar ef að færslan sem ég skellti hér inn í nótt fór fyrir brjóstið á einhverjum! Var að pæla í að taka hana út en eftir smá íhugun þá finnst mér hún eiga skilið að lifa.... í henni felast ákveðnar pælingar sem þurftu að líta dagsins ljós.

En kæru félagar! Á morgun er nýr dagur og lífið er yndislegt!!!!

Ákvað að taka jákvæða pakkann á þetta!!!

Ok ef ég hef einhverntíma hatað karlmenn þá geri ég það núna!!!! Karlmenn eru ógeðslegar lífverur sem ekki eiga skilið að fá að draga andann!!!!!! Og ef karlmenn eru slæmir þá eru konur ennþá verri!!! Ég hata líka konur þær eru undirförlar og baktalandi alltaf!!!!!!

Ég vona að ég sofi í hundrað ár og þegar ég vakna þá verði heimurinn orðinn betri staður til að búa á.....

Bara snilld...
Las þessa snilldarsögu á blogginu hjá henni Hrund vinkonu minni! Ég hló svo mikið að ég ákvað að skella sögunni á mitt blogg líka, njótið vel:

Ósk Ýr gekk rösklega með Brand Ara í afmælið til Egils Daða því hún var að verða of sein að sækja Leif Arnar og Loft Stein í leikskólann.

Borgar Vörður, pabbi Egils Daða, tók á móti þeim. Þarna voru Lind Ýr, Líf Vera, Sól Hlíf og Hreinn Bolli. Erlendur Hreimur kom blaðskellandi innan úr stofunni og vinkonurnar Vísa Skuld og Dís Ester fast á hæla honum. Mýra Þoka lét lítið fyrir sér fara úti í horni.

Innan úr herbergi Egils Daða bárust ógurlegir skruðningar ??#%=&#$&/(=!z#$!/!=!
Línus Gauti, Barði Vagn og Mist Eik voru greinilega mætt. En hvar var Ríta Lín?
Fyrir utan var Sædís Líf í rauðum fólksvagni.
Hægt og sígandi nálgaðist Jökla Þoka eftir stígnum. Hún var orðin alltof sein í afmælið.

Jæja.... þá er kosningunum lokið.... tilfinningar mínar eru blendnar, ég er pínulítið fegin að þetta er búið í bili en ég er líka að fyllast af söknuði og tómleika. Þessi kosningabarátta tók vissulega á en að vera með svona gott fólk í kringum sig gefur manni svo mikla lífsfyllingu. Allur einkahúmorinn og aulabrandararnir sem litu dagsins ljós. Klukkan fimm á nóttunni er allt orðið fyndið.... Sérstaklega þegar maður er að gera 50 falda uppskrift af Rice Krispies kökum. Ég sakna þessa strax...
Snökt, snökt......

Eftir vel heppnaða kosningaRöskvu á Hverfisbarnum var haldið niður í kosningamiðstöð og þar tókst mér að sofa af mér úrslitin... var óvekjanleg, svaf eins og saklaust barn í sófanum, í síðkjólnum og hælaskónum. Rumskaði ekki við neitt, ekki einu sinni við alla geðshræringuna og lætin þegar úrslitin voru kunngjörð, eftir óþægilega langa bið, um fimmleytið aðfararnótt föstdags. Þegar ég rankaði við mér þá var allt búið, flestir farnir heim og ég alveg kolrugluð, vissi ekki hvað snéri upp eða hvað snéri niður. Þegar ég áttaði mig loks á stöðu mála, að ég hefði misst af öllu saman þá varð ég trítilóð!!! Ég missti bara af þessu, fannst það hræðilegt, ég var eyðilögð... Hvernig gat þetta gerst??? Er ennþá að jafna mig...

Ég gef öllum Röskvuliðum fimmur fyrir vel heppnaða og heiðarlega baráttu!!! Við erum laaangflottust!! Á næsta ári fer fimmti maður inn, ég er sannfærð!